CV

Невенка Дуковска , родена во Скопје 1984 година како Трајкова потекнува од музичка фамилија,  а со пијаното се дружи од  својата најрана возраст.
Основно и средно музичко образование завршува во ДМУЦ.„Сергеј Михајлов“ во Штип ,каде што живее и работи . Дипломира и магистрира на отсекот пијано на Националната музичка академија „Панчо Владигеров“ - Софија , Р.Бугарија во класата на Проф.Антон Диков и асистент Елена Дикова. 

Во 2013 година успешно ја брани својата докторска дисертација  на Националната музичка академија „Панчо Владигеров“ во Софија и се здобива со титула ДОКТОР на музички науки и музичка уметност. Докторира во областа на камерната музика и корепетицијата, преку која  што ја истражува, а воедно и афирмира современата музика.

Во моментот работи како Доцент на Музичка академија при државниот универзитет „Гоце Делчев“ во Штип. 
 д-р Невенка Дуковска е дел од многу Меѓународни натпревари, како уметнички директор, претседател на организационен одбор и член на меѓународни жири комисии во Македонија и странство.

Покрај многубројните солистички концерти  има настапувано и со најразлични камерни состави и ансамбли низ Македонија, Австрија, Италија, Шпанија, Словенија, Марoко, Србија, Косово, Бугарија и Грција. Настапува со повеќе еминентни музички  изведувачи  како Кирил Рибарски, Борис Трајанов, Зоран Казаков (Швајцарија), Јоргос Георгиу (Кипар) и други. Разновидноста на камерните состави со кои настапува и досегашната корепетиторска  дејност го збогатуваат нејзиниот репертоар со кој често настапува на сцените низ Македонија и надвор од  неа.

Настапува како дел од дуо GRAZIOSO со сопранот Кристина Палија, со кое ја имаат претставено Македонија во Шпанија,  Италија, Австрија и на турнеи низ Словенија и Мароко како дел од трио Grazioso. Добитници се на 8мо ноемвриско признание од град Неготино 2015 и од град Штип 2016.

д-р Невенка Дуковска е добитник на повеќе први награди како пијанист, а добитник е и на награда од  меѓународниот Арт фестивал „Езерски бисери“ – Струга за најдобар корепетитор на натпреварот.
Учествува на редица семинари кај истакнати  пијанисти како Александар Блох, Тамара Подубнаја, Кетрин Викерс, Марчела Крудели и други.
Активно учество зема на многу меѓународни научни конференции и симпозиуми.
Има објавени трудови во домашни и меѓународни списанија со impact factor.