Основна цел на предметот е студентите да се стекнат со теоретско и практично знаење за номотехничките правила при пишување на закони и други законски и подзаконски акти, правила за изготвување информации, процедури, правилници, одлуки, решенија и други правни и стручни документи. Целта е студентите да бидат подговтвени самостојно да можат да ги изработуваат истите во потребната форма и според потребниот редослед и методологија што треба да ја содржат. Дополнително и подетално студентите ќе можат да се запознаат со составните делови на нормативниот акт, процедурите при донесувањето на разни видови нормативни акти, можностите и начините за нивно изменување како и начините на решавање на можни случаи на постоење на  правни празнини или колизии на правните норми.